„Реализацијата на оваа одлука е попречена поради извршна постапка поврзана со долг наследен од 2016 година во вредност од околу 1,4 милиони денари. Поради каматите и пресметките што се вршат од 2018 година, овој долг во моментот изнесува околу три милиони денари. Исто така, факт е дека извршните постапки во Општина Струга се бројни“, пишува во соопштението на Општина Струга.
Оттаму појаснуваат дека како последица на активирањето на оваа постапка од страна на надлежен извршител, градоначалникот е во комуникација со него и други засегнати страни „со цел овој процес да се заврши на начин кој ќе биде во интерес на граѓаните“.
„Овој случај е уште еден показател за тешката финансиска состојба која Општина Струга ја има наследено од претходните години. И покрај тоа, градоначалникот Ќура останува посветен на транспарентно управување со општинските финансии и на изнаоѓање решенија кои ќе бидат во корист на граѓаните“, се неведува во соопштението на Општина Струга, објавено на нејзината официјална страница.
