„Со потпишувањето на документот од страна на градоначалникот Онер Јакупоски и претставник на здружението, започнува заедничкиот процес за воспоставување и развој на социјалната услуга „Помош и нега во домот“ на територијата на нашата општина. Оваа соработка претставува клучен чекор во заложбите на локалната самоуправа за обезбедување квалитетна грижа за повозрасните лица и нашите сограѓани од ранливи категории“, рече Фикрет Ибрами, одговорен во секторот за однос со јавноста на општината.
Додаде дека услугата е насочена кон директна поддршка во секојдневните активности на граѓаните во нивните домови, со цел да им се овозможи достоинствен и самостоен живот.
„Грижата за нашите највозрасни сограѓани е наш врвен приоритет. Со оваа услуга носиме конкретна помош таму каде што е најпотребна – во домовите на нашите жители. Општина Маврово и Ростуше продолжува посветено да вложува во хумани и социјални услуги кои се достапни за сите“, изјави градоначалникот Јакупоски при потпишувањето.
Проектот го спроведува Министерството за социјална политика, демографија и млади.
