Согласно техничката спецификација, проценетата вредност на машината е близу 3 милиони денари со пресметан ДДВ. Во случајов Општина Карпош ќе го кофинансира проектот со 330.000 денари со вклучен ДДВ, односно ќе учествува со финансиски средства во висина од 11% од вредноста на набавката.
Со мнозинство гласови беше поддржана и предлог – одлуката со која Советот дава согласност за распишување на јавен повик за избор на членови на Советот за женско претприемништво кој ќе биде објавен на официјалната веб-страница на Општина Карпош. Советот за поддршка на женско претприемништво на Општина Карпош се формира заради поттикнување и поддршка на актуелните и потенцијалните жени претприемачи во општината.
