Опозицијата за македонската и англиската верзија на стратешкиот договор – која е функцијата на Николоски?

По вчерашното изгласување во Собранието на Законот за ратификација на договорот меѓу Владата на Република Северна Македонија и Владата на Обединетото Кралство на Велика Британија и Северна Ирска во врска со партнерство за реализација на инфраструктурни проекти, од опозицијата изјавија дека договорот е ништовен. На интернет страницата на македонското Собрание, објавена е и верзијата на договорот на англиски јазик каде покрај потписот на Александар Николоски стои функцијата потпретседател на Република Северна Македонија, а не потпретседател на македонската Влада. За власта ова е само техничка грешка. Во верзијата на македонски јазик, функцијата на Николоски е точно напишана.