недела, 13 јули 2025

Одбележани 112 години од Тиквешкото востание во Кавадарци

Кавадарци денеска одбележа 112 години од Тиквешкото востание, свежо цвеќе беше положено пред споменикот во паркот Полана. Марија Михова, кустос историчар во Музеј галеријата, одржа историски час. Таа потсети дека станува збор за прв, организиран, масовен и вооружен протест на населението од Тиквешијата, првото востание кренато десет години по Илинденското востание.

Објавено на

часот

Сподели

„Востанието било кренато против тогашната нововоспоставена српска власт, што ја окупирала Вардарска Македонија, по повлекувањето на турските сили после Првата балканска војна од 1912 година“, истакна Михова.

Притоа се осврна на настаните од тоа време, појаснувајќи дека биле ослободени Неготино и Кавадарци и неколку тиквешки села. Востанието било задушено по седум дена слобода.

Таа, меѓу другото, ги пренесе зборовите на Пане Поп Коцев, ваташанец и учесник од јунските настани во 1913 година.

„За нас Тиквешаните е безразлично кој е окупаторот или завојувачот, ние не трпиме туѓо и во такви случаи, не се плашиме од жртвите што неминовно мораме да ги дадеме“, порачал тој.

Независноста, нагласил тој, за нас Тиквешаните е најскапата народна светост.

 

 

ТОП ВЕСТИ

ПОСЛЕДНИ ВЕСТИ