Новите максимални цени изнесуваат, еуросупер БС-95 – 86,50 денари за литар, еуросупер БС-98 – 88,50 денари за литар, еуродизел 95,50 денари за литар (+3,50 денари), екстра лесно масло (ЕЛ-1) 92,00 ден/л (+2,50 денари) и мазут М-1 НС: 47,610 ден/кг (+0,157 денари)
Од РКЕ информираат дека просечното зголемување на цените изнесува 1,39 отсто во однос на претходната одлука, при што главен фактор е растот на референтните цени на светските пазари, особено кај дизелот и бензините.
„Сепак, примената на повластена стапка на ДДВ од 10 отсто значително го ублажува ценовниот удар. Доколку останеше ДДВ од 18 отсто, бензините ќе беа поскапи за околу 6,5 денари по литар, а дизелот за дури 10,5 денари“, велат од РКЕ.
Од Комисијата потенцираат дека станува збор за максимални цени, што значи дека трговците имаат можност да продаваат и по пониски цени.
„Во позадина на поскапувањето стои значителниот раст на светските цени на нафтените деривати, кои во споредба со претходната пресметка се зголемени и до над 16 отсто, како и благо слабеење на денарот во однос на доларот“, велат од РКЕ.
