Според Обвинителството, во станот во Богданци каде што живееле под закуп, мајката и синот започнале расправија околу лекувањето на осомничениот.
„Во еден момент тој зел нож од кујната со кој и нанел повеќе убоди на мајката во главата и вратот. Бидејќи ножот се скршил, зел ножици и со нив продолжил да и задава убоди, па откако и тие се свиткале од кујната зел друг нож за сечење зеленчук со шилест дел со кој ја прободел во вратот. Од бројните убоди жената искрварела и починала“, информираа од Јавното обвинителство.
Оттаму додаваат дека бидејќи постојат околности кои го оправдуваат стравот дека осомничениот ќе избега или ќе влијае врз сведоците кои ќе бидат испитувани во текот на кривичната постапка, јавниот обвинител предложи да му биде определена мерка притвор.
