„Извршени се претреси на пет локации во Кочани и во Скопје, при кои се одземени дополнителни електронски уреди и други докази за кои се издадени наредби за вештачење. Извршени се и распити на лица кои би можеле да имаат определени сознанија. Во текот на денот, Јавното обвинителство ќе издаде наредба и до Управата за финансиска полиција за преземање определени дејствија поврзани со материјалното работење на повеќе правни субјекти, осомничените и други лица“, се наведува во соопштението на Јавното обвинителство.
Оттаму не соопштуваат дали во акцијата се уапсени ќерката и сопругата на сопственикот на дискотеката Пулс, Дејан Јованов кој се наоѓа во притвор како еден од 27 осомничени во истрагата.
„Доколку има нови приведени обвинителството ќе извести“, велат од Јавното обвинителство.
