„Синоќа, на улицата Ѓорче Петров, осомничениот 57-годишник со запалена хартија од табла за јајца потпалил сува трева. Со настанатиот пожар биле зафатени и изгорени околу 200 метри квадратни (м2) тревна површина, а постоела реална опасност огнот да излезе од контрола и да зафати неограничен круг објекти во населено подрачје. Имајќи ја предвид заканата и тежината на кривичното дело за кое е предвидена затворска казна до пет години, јавниот обвинител оцени дека постои ризик осомничениот да се даде во бегство за да го избегне кривичниот прогон, па до судот достави предлог за определување мерка притвор“, соопшти попладнево ЈО.
Обвинителството бара притвор за човекот кој вчера предизвика пожар во Ѓорче Петров
Основното јавно обвинителство (ОЈО) Скопје поведе постапка против едно лице за кривично дело предизвикување општа опасност, бидејќи намерно иницирал пожар со кој предизвикал значителна опасност за животот и телото на луѓето и за имотот од големи размери, соопшти попладнево Јавното обвинителство (ЈО).
Објавено на
часот
