Од Јавното обвинителство соопштија дека продолжување на притворот се бара бидејќи се постапува по издадените наредби за вештачење на три мобилни телефони и на други предмети, се обезбедуваат и анализираат видео записи од повеќе критични локации, а се обезбедува и целокупната документација за претходни поплаки и пријави за семејно насилство кои се однесуваат на осомничениот и починатата жена.
„Дополнително се преземаат и други дејствија од значење за докажување на кривичните дела чии елементи се испитуваат во моментов“, се наведува во соопштението на Јавното обвинителство.
Завчера, Кривичниот суд Скопје му одреди притвор на Јовановски кој се сомничи дека ја поттикнал трагедијата во која починаа сопругата и ќерка му.
