„Најпрво, на 1 мај телефонски и се заканувал на оштетената и на нивниот заеднички син дека ќе им ги запали станот и куќата, а еден ден подоцна ја реализирал заканата, предизвикувајќи пожар со бензин пред влезните врати на двата објекти. Пожарот се проширил и во внатрешноста на куќата и на станот кој се наоѓал во зграда, па била предизвикана значителна опасност за животот на луѓето. Со обвинителниот предлог, надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетиот“, соопшти ОЈО Скопје.
На 2 мај годинава била избегната трагедија во која можело да настрадат станари во зграда во скопската населба Ново Лисиче откако Митровиќ, го запалил станот во кој живееше Василевски, а сега живеат неговата сестра и двајцата внуци, како и куќата што ја имаше Василевски во Катланово. Според информациите споделени од јутјуберот Стефан Лазаров сестрата и внуците на покојниот новинар Василевски подолго време биле жртви на семејно насилство.
