„Таткото е обвинет и дека при настанот ја загрозил сигурноста на четири присутни лица, сериозно заканувајќи им се дека ќе нападне врз нивниот живот и тело, со намера да ги вознемири и заплаши. Затоа тој е обвинет и за кривично дело загрозување на сигурноста. Една од двете ќерки е обвинета и за напад врз службено лице при вршење работи на безбедноста, бидејќи таа повредила полициски службеник кој бил повикан да асистира при одземањето на говедата, така што го влечела и го гребела по лицето. Како резултат на дејствијата на тројцата обвинети, лицата ангажирани од АХВ биле спречени да постапат по решенијата и да го одземат добитокот од обвинетите“, информираа од Јавното обвинителство.
Во текот на постапката за обезбедување на доказите, на сите тројца им беше одреден притвор.
„Со поднесување на обвинението, имајќи ја предвид фазата во која се наоѓа постапката и поединечните околности кај секој од обвинетите, надлежниот јавен обвинител до судот достави предлог со кој предложи притворската мерка да биде продолжена за таткото и за една од ќерките“, велат од Јавното обвинителство.
