Програмата опфаќа теми поврзани со членовите 9–11 и 14 од Европската конвенција за човекови права (ЕКЧП), како и член 1 од протокол бр. 12. Учесниците имаат можност да се запознаат со платформата HUDOC за пристап до судската пракса на ЕСЧП, критериуми за прифатливост на предмети, симулации на усни аргументи и советување, методологија за цитирање на судска пракса и практична работа преку студии на случај и изработка на нацрт-документи.
Како обучувачи се ангажирани правните експерти Маргарита Цаца Николовска, поранешна судијка во ЕСЧП, Мартин Сопронов и Штефица Стажник.
„Оваа обука е дел од пошироките напори за институционално јакнење на Уставниот суд, вклучувајќи подобрување на законодавните и административните капацитети, транспарентноста и управувањето со работата на судот, наведуваат од Уставниот суд.
Обуката е дел од проектот на Европската Унија за поддршка на владеењето на правото и унапредување на човековите права, финансиран преку ИПА 3 – механизмот. Главната цел е зајакнување на капацитетите на Уставниот суд во областа на заштитата на основните права и унапредување на квалитетот на уставната правда.
