За обврската да се поседува таков сертификат при влез во ресторани и барови не е препорачано да биде укината зашто Комисијата смета дека не е добро да се укинат сите мерки одеднаш.
„Постепеното укинување на мерките дава резултат и тоа се гледа по секојдневниот пад на бројките на новозаразени со ковид-19, изјави портпаролот на Комисијата за заразни болести, д-р Злате Мехмедовиќ.
Новиот предлогот за влез во земјава без сертификат за вакцинација или прележаност треба да биде усвоен од Владата.
Владата вчера ја одобри претходната препорака на Комисија и беше донесена одлуката да се укине мерката за задолжително носење заштитни маски во затворeни простории, освен во здравствени домови, аптеки, јавен превоз и во домовите за стари лица и установи за згрижување лица со посебни потреби.
