Министерството за правда објави нов оглас за избор на тројца кандидати за судија во Европскиот суд за човекови права во Стразбур. За разлика од претходно, рокот за пријавување е продолжен на 30 дена, наместо досегашните 15. Членовите на новоформираната комисија ќе мора да работат со забрзано темпо, зашто изборот треба да се заокружи навреме пред јануарската сесија на Советот на Европа, кога ќе се избира македонскиот судија.
часот
Нов момент во постапката е воведувањето на меѓународен сертификат како задолжителен доказ за познавање на двата официјални јазика во Советот на Европа. Дополнително, за утврдување на „висок морален углед“, ќе се бара потврда дека за кандидатот не е изречена правосилна пресуда и дека против него не се води кривична постапка.
Претходната листа на кандидати – судијката Габриела Гајдова, обвинителката Ленче Ристоска и адвокатот Јордан Апостолски – беше поништена со одлука на Владата.
Издавач: Портал њуз ДОО
078 / 219-341 • 078 / 219-342
[email protected]
Сите написи, фотографии и видеа се користат само за лично информирање.
Нивно преземање и преобјавување е дозволено само со договор со основачите на порталот.
Develop & Design ZMD © 2024.
