Сарамаков беше уапсен во Велес заедно со уште едно лице и со ранец полн со полициски службени информации. Осомничениот беше дел од обезбедувањето на Мицкоски по промената на власта. Првичните информации се дека тајните полициски информации се продавани на припадници на криминалниот клан Грчец. По апсењето, од владата посочија дека истрагата треба да утврди што се случило и дека безбедноста на премиерот не е загрозена.
Од СДСМ обвинија дека обезбедувањето на премиерот Мицкоски е полно со криминалци, а од ВМРО-ДПМНЕ возвратија дека бодигардите на функционерите сега се апсат за кривични дела.
