„На земја гаснат беровските пожарникари со подршка на екипа од Национални шуми“, наведува Ангелов.
Тој исто така соопшти дека попладнево избија неколку нови пожари и сега активни се седум.
Моментално има 7 активни пожари и тоа во Општина Берово, село Будинарци, каде дејствува еден полициски хеликоптер, Општина Старо Нагоричане, село Ругинце, Општина Сарај, село Арнакија каде дејствуваа 2 хеликоптери, Општина Долнени, кај селата Долгаец и Маргари каде што гори шума, Општина Кочани, на Осоговските планини, во атарот на селото Главовица, активен е и пожарот кај ловиштето Јасен над селото Тажево кај таканаречениот разделник и во Општина Македонски Брод, кај селата Русјаци и Латово.
Пожарот од Криволак кон реката Брегалница кај селото Црешка е ставен под контрола, останати се уште две жешки точки.
