Измамниците преку fzom.net се обидуваат да ги измамат граѓаните да ги внесат своите: Лични податоци (име, презиме, матичен број, адреса); податоци за здравствено осигурување; податоци за банкарски сметки и кредитни картички и кориснички имиња и лозинки.
ФЗОМ ги предупредува граѓаните да не ги внесуваат своите лични податоци на веб-страницата fzom.net. Официјалната веб-страница на Фондот е исклучиво fzo.org.mk.
Од ФЗОМ препорачуваат: проверете ја внимателно веб-адресата пред да внесете какви било лични податоци; nе кликајте на линкови од сомнителни е-пошти или пораки; nе споделувајте ги вашите кориснички имиња и лозинки со никого; pријавете ги сите сомнителни активности на ФЗОМ или во најблиската полициска станица; oфицијалната веб странica на ФЗОМ никогаш нема да побара од вас внесување на банкарски податоци.
ФЗОМ веќе презема мерки за да ја блокира оваа лажна веб-страница и да ги заштити граѓаните. Фондот соработува со надлежните органи за да ги идентификува и да ги казни сторителите на оваа измама.
За дополнителни информации и за пријавување сомнителни активности, граѓаните можат да се обратат на: oфицијалната веб-страница на ФЗОМ: fzo.org.mkч на телефонскиот број на ФЗОМ 02 3289 000 или е-пошта: [email protected].
ФЗОМ апелира до граѓаните да бидат внимателни и да ги заштитат своите лични податоци од ваквите измами.
