Меѓународниот аеродром Скопје ја доби акредитацијата за управување со емисии на јаглерод на Ниво 3, за оптимизација на емисиите на јаглерод од страна на Меѓународниот совет на аеродроми (Airport Council International – ACI) во рамките на нивната глобална програма за акредитација управување со емисии на јаглерод на аеродроми (Airport Carbon Accreditation – ACA).
„Овие акредитации се јасна потврда за посветеноста на ТАВ Македонија кон одговорно управување со животната средина и примената на најдобрите меѓународни практики во одржливото воздухопловство. Достигнувањето на Ниво 3 за Меѓународниот аеродром Скопје претставува значаен напредок во нашите напори за намалување на влијанието на јаглеродот и подобрување на енергетската ефикасност, со цел да се обезбеди одржлива иднина за македонското воздухопловство“, изјави Неџат Курт, генерален директор на ТАВ Македонија.
Сертификацијата на „Ниво 3” – претставува потврда дека скопскиот аеродром ефикасно управува и ги намалува своите емисии на јаглерод, додека во исто време активно ги ангажира и своите партнери во нивното управување со емисиите на јаглерод.
За да се постигне ова ниво, Меѓународниот аеродром Скопје спроведе низа значајни мерки, во кои е опфатено следново: имплементација на програма за енергетска ефикасност и мониторинг во согласност со меѓународните методологии, надградби на системите за осветлување на јавната и воздухопловната зона со високоефикасни LED инсталации, воведување програми за оптимизација и унапредување на енергетските перформанси на системите за греење, вентилација, климатизација, распоредување на хибридна аеродромска опрема и поддршка во транзицијата кон еколошки прифатлив возен парк, зголемување на производството и набавката на обновлива енергија, заеднички иницијативи со авиокомпании и даватели на услуги, како и воспоставување платформа за засегнати страни за климатска акција за споделување податоци, мониторинг на перформансите и координација на плановите за намалување.
„Достигнувањето на Ниво 3 во програмата за акредитација за управување со емисии на јаглерод на аеродроми за помалку од една година по приклучувањето кон програмата е значајна пресвртница во патувањето за декарбонизација на Меѓународниот аеродром Скопје. Со оптимизирање на потрошувачката на енергија, зголемената употреба на електрична аеродромска опрема и инвестирање во инфраструктура за полнење електрични возила, аеродромот ги поставува темелите за долгорочно намалување на емисиите на јаглерод. На Ниво 3, аеродромот, исто така, го проширува опсегот на своето влијание во емисиите на јаглерод со опфаќање на јаглеродните емисии и од трети страни, притоа зајакнувајќи го својот пат кон целта за достигнување нето-нулта емисии на јаглерод до 2050 година. Честитки до целиот тим на ТАВ аеродроми“, изјави Оливие Јанковец, генерален директор на ACI EUROPE.
Преку ова достигнување, Меѓународниот аеродром Скопје ја зајакнува својата посветеност на долгорочна климатска одговорност и е во согласност со целите на ТАВ аеродроми за постигнување јаглеродна неутралност до 2030 година и нето-нулта емисии на јаглерод до 2050 година на сите аеродроми во рамките на групацијата
„Ниво 3” акредитација за управување со емисии на јаглерод на аеродроми за скопскиот аеродром
Меѓународниот аеродром Скопје, управуван од ТАВ Македонија, подружница на ТАВ аеродроми и членка на групацијата АДП, се стекна со „Ниво 3” акредитација за управување со емисии на јаглерод на аеродроми, како резултат на преземените активности во процесот на намалување на емисиите на јаглерод во рамките на работењето на аеродромите во пошироката околина.
Меѓународниот аеродром Скопје ја доби акредитацијата за управување со емисии на јаглерод на Ниво 3, за оптимизација на емисиите на јаглерод од страна на Меѓународниот совет на аеродроми (Airport Council International – ACI) во рамките на нивната глобална програма за акредитација управување со емисии на јаглерод на аеродроми (Airport Carbon Accreditation – ACA).
