Наместо четворица, партијата сега има петмина потпретседатели. Нови потпретседатели се поранешната пратеничка Арта Биљали Зендели и градоначалникот на Липково Еркан Арифи, кој е меѓу ретките кои победи на локалните избори.
Арбр Адеми од потпретседател сега е нов генерален секретар, а досегашниот генерален секретар Фатон Ахмети стана потпретседател на ДУИ. Бујар Османи останува потпретседател иако ги изгуби изборите во Чаир. И пратеничката Арбана Пашоли остана потпретседателка на ДУИ.
Неби Реџепи, поранешен државен секретар во Министерството за екологија, е нов организациски секретар на местото на Блерим Беџети, кој веќе не е член на Централното претседателство. Арбеша Влаши е секретар за еднакви можности.
Во Генералниот совет веќе не се членови Теута Арифи, Талат Џафери, Блерим Беџети, Фатмир Дехари, Беким Незири, Џеват Адеми, Ејуп Рустеми. Муса Џафери и Садула Дураку не се членови на Надзорниот совет на партијата.
Бајрам Реџепи, кандидатот на ДУИ кој не стана градоначалник на Тетово, остана во Централното претседателство каде се и поранешниот министер за образование Јетон Шаќири и пратеникот Илир Хасани. Во ЦП е Шкодране Дардишта.
