Директорувањето на Васко Ковачевски со ЕСМ ќе остане запаметено како едно од најкриминалното работење во историјата на Македонија за што веќе и Државната комисија за спречување на корупција поведе постапка и достави документи до надлежното јавно обвинителство по кој што се надевам надлежното јавно обвинителство ќе постапи, а доколку не постапи сега, убеден сум дека тоа ќе го направи ослободеното јавно обвинителство после изборите на 8-ми мај оваа година, изјави на денешната конференција за медиуми Александар Николоски, потпретседателот на ВМРО-ДПМНЕ.
Николоски: Васко Ковачевски со Руд-коп потпишува два договори и анекси со иста вредност
Објавено на
часот
Сподели
„Познати се скандалите на Васко Ковачевски поврзани со набавката на мазут, поврзани со работењето на разни компании од типот на СВ-Инвест и така натаму, кои што криминално работеа во РЕК Битола и во Електрани на Македонија. Но, исто така сакам да презентирам еден парадокс од неговото работење. Имено се работи за два тендери, внимавајте со иста вредност. Васко Ковачевски како директор во периодот кога е директор на Електрани на Македонија дозволува два договори со иста вредност. Договорите се потпишани од директорите на РЕК Битола.
Па сакаме да прашаме дали е случајно или не што иста компанија добива два договори со иста вредност, името на компанијата е РУД-КОП.
Дали случајно или не РУД-КОП добива два договори со иста вредност. Едниот договор е потпишан на 7 јуни 2021 година. А, вториот договор е потпишан на 3 октомври 2022 година. Двете се со иста компанија. Првиот договор е за ископ на инвестициска откривка во рудник ПЈС (РЕК Битола). А, вториот е за ископ на инвестициска откривка во рудник Брод Гнеотино (РЕК Битола). И двата тендери имаат до денар иста вредност – 708 милиони денари или некаде околу 12 милиони евра.
Вкупната единечна цена по метар кубен во првиот тендер е 1.896 денари, додека за само една година таа цена пораснала и во вториот тендер е 2.595 денари.
Односно вредноста расте некаде за 600 денари по метар кубен само за една година. И иако вредноста на двата тендери е до денар идентична, количината која што треба да се ископа секако дека не е, затоа што во вториот тендер се оди со далеку повисока цена.
Па, сакаме да прашаме дали е случајно или не, што иста компанија добива два тендери во различен временски период со иста вредност од 708 милиони денари, но во првиот случај цената по метар кубен е 1.896 денари, а во вториот е 2.595 денари.
Следната работа за која сакаме да прашаме, е дали е случајно или не што истата оваа компанија добива анекс и на првиот и на вториот тендер и двата анекси се во иста вредност од 120 милиони денари, односно од два милиони евра. Па, двата договори на крај се во вкупна вредност од 849 милиони и 600 илјади денари и едниот и другиот, или некаде околу 14 и пол милиони евра.
Па, јавно прашуваме, дали е случајно или не што оваа компанија е привилегирана и за разлика од други компании добива анекс во вредност од 20% од висината на договорот и анексот и во првиот, и во вториот договор е со иста вредност?
Повикуваме надлежните институции да го преиспитаат работењето на Електрани на Македонија и на РЕК Битола, како и да постапат по укажувањата на Државната комисија за спречување на корупција за работењето на претходниот директор, Васко Ковачевски за кој што веќе има, како што кажав, дознаки, односно претставки од страна на ДКСК. А, во однос на сите останати, ослободеното Јавно обвинителство и ослободените институции, после 8 мај ќе поведат соодветни постапки“, рече Николоски.
