По изјаснувањето за вина на обвинетите, ќе следуваат воведните говори на адвокатите. Судењето е во тек во судницата близу затворот во Идризово.
На 16 март 2025 година, за време на настап на групата ДНК во дискотеката „Пулс“ во Кочани, избувна пожар во кој загинаа 63 лица, а над 200 беа повредени. Во објектот имало над дозволениот број посетители, меѓу кои и малолетници, а пиротехнички средства биле активирани без дозвола. Објектот работел незаконски повеќе од една деценија, без минимално-технички услови, со реконструкции без дозволи и без систем за противпожарна заштита.
Дел од обвинетите рекоа дека би го дале својот живот за децата што загинале, дел изразија сочувство, а на оние што се повредени им посакаа побрзо заздравување. Обвинетите обезбедувачи што кобната ноќ биле на работа за време на настапот на ДНК, пред судот кажаа дека помагале да спасат што повеќе деца и не гледаат причина зошто се во оваа постапка.
Катерина Додевска
