„Таа флексибилност, која ја сметаме за клучна за нашата ефикасност, е многу потешко остварлива во рамки на поголема група или партија, каде процесот на одлучување е подолг и често ќе бара компромиси на сметка на локалните потреби.
Приклучување кон партија отсекогаш била последната опција за учество на избори, и сè додека постојат други можности со кои ќе ја задржиме нашата независност и принципите на граѓанското работење – ќе ги искористиме тие опции.
Се повлекуваат од заедничко формирање политичка партија со другите независни иницијативи. Конфузијата и неизвесноста за независните иницијативи создадени од партиите нема да нè одвратат од нашата визија и посветеност да понудиме решенија за квалитетен живот на граѓаните на општина Карпош.
На независните иницијативи што продолжуваат со процесот на заедничко формирање политичка партија Независни заедно и на сите новоформирани партии и независни листи им посакуваме искрен успех и остануваме отворени за соработка со нив и со сите останати граѓански иницијативи и чинители со кои делиме теми од интерес и каузи“, се вели во соопштението на Независни за Карпош.
Граѓанските иницијативи Независни за Карпош, Шанса за Центар и Зелените од Гази Баба неоадамна објавија дека собираат потписи за формирање партија Независни заедно. Главната причина за овие неколку иницијативи за формирање партии од граѓанските иницијативи е во законската регулатива според која на избори речиси е невозможно учеството на независни кандидати. А актуелните пратеници засега немаат абер ова прашање да го решат со измени во Изборниот законик, во согласност со одлуката на Уставниот суд.
