„Денес заминува словенечкиот тим од 61 пожарникар специјализирани за гаснење на шумски пожари, со 18 возила. Во завршниот збор им се заблагодарив од име на македонската влада и македонските граѓани, а од име на Дирекцијата за заштита и спасување им доделив пригодни благодарници. Утре заминува и чешкиот Блек Хок со седумчлената посада“, изјави Ангелов.
За гаснење на пожарот на територијата на Општина Долнени во атарот на селото Стровија на местото викано Гајдарец – Клепало, рано утрово полициски хеликоптер пренесе екипи на Национални шуми и неколку доброволци ловци кои за неколку часа целосно го изгаснаа овој пожар на отворен простор кој имаше зафатено поголема површина со сува и висока трева по гребенот на планината.
