Мицкоски најави дека наредниве денови ќе има средба со Таравари кога би требало да се знае дали тој ќе остане министер за здравство и местото на Алијансата за Албанците во владината коалиција.
Претходно и вицепремиерите Изет Меџити и Александар Николоски потврдија дека владината коалиција е стабилна. Тие порачаа дека турбуленциите во албанскиот коалициски блок немаат капацитет да го урнат мнозинството.
Николоски порача и дека за ДУИ нема место во актуелната владина коалиција, а партиите кои решиле да соработуваат со нив, вршат политичко самоубиство.
