петок, 6 јуни 2025

На 24 јуни почнува судењето на Зоран Јованов, таткото на Васил што ја усмрти Фросина Кулакова

Зоран Јованов е обвинет дека две години му овозможувал на синот Васил, да го вози автомобилот пежо 207, иако знаел дека тој нема возачка дозвола. Поради тоа, обвинителството го гони дека со општоопасно дејствие предизвикал опасност за животот и телото на луѓето, свесен дека поради неговите сторувања можат да настапат штетни последици, а сепак лекомислено сметал дека тие нема да настапат.

Фото: Принтскрин

Објавено на

часот

Сподели

„Тој на својот син му давал да управува патничко моторно возило пежо 207, иако знаел дека синот не смее да управува со автомобил бидејќи нема возачка дозвола и е повеќекратен сторител на сообраќајни деликти, и тоа: едно кривично дело – сообраќајна несреќа со полесни последици во ноември 2022 година, 11 сообраќајни прекршоци (возење без возачка дозвола, возење под дејство на алкохол, непочитување на семафор и на пешачки премин) во текот на 2023 и 2024 година, како и кривично дело – сообраќајна несреќа со смртни последици на 29.01.2025 година“, пишува во обвинението.

Неговиот син Васил Јованов е осуден на 12 години затвор откако претходно призна вина затоа што на крајот на јануари годинава ја усмрти Фросина Кулакова на пешачки премин во центарот на Скопје.

ТОП ВЕСТИ

ПОСЛЕДНИ ВЕСТИ