Според МВР, станува збор за класична интернет измама, чија цел е да ги натера корисниците да кликнат на сомнителни линкови или да остават лични податоци. Од Министерството апелираат граѓаните да бидат исклучително внимателни и да не наседнуваат на вакви објави, особено кога станува збор за понуди кои звучат предобро за да бидат вистинити.
„Не кликнувајте на линкови од непознати извори, не споделувајте лични информации и не потпаѓајте на емоционални приказни кои се користат како алатка за добивање доверба“, порачуваат од МВР.
Од таму нагласуваат дека реномирани компании не вршат продажба на телефони преку неофицијални страници или социјални мрежи, ниту имаат тајни програми за „специјални“ понуди.
Граѓаните кои ќе забележат вакви објави се повикуваат да ги пријават веднаш во најблиската полициска станица. Секторот за компјутерски криминал при МВР веќе презема мерки и води постапки поврзани со ваквите интернет измами.
