Како што информираа од МВР, овие пораки содржат линкови до лажно дизајнирани веб – страници со цел да ги наведат граѓаните да внесат лични или финансиски податоци, кои потоа можат да бидат злоупотребени од страна на криминални групи.
„Апелираме до сите граѓани да бидат крајно внимателни и да постапуваат одговорно. Да не отвораат линкови од сомнителни испраќачи, да не внесуваат лични податоци на непроверени страници, да не одговараат на ваквите пораки, да го пријават случајот во најблиската полициска станица како и да го блокираат бројот на испраќачот. Секторот за компјутерски криминал при Министерството за внатрешни работи активно презема мерки и води постапки во врска со ваквите измами“, се наведува во соопштението на МВР.
