Како што информираат од МНРиНТ, фокусот на разговорите бил ставен на билатералните односи, економската соработка, инвестициските можности и продлабочувањето на соработката во области од заемен интерес. Во тој контекст биле потврдени одличните политички односи меѓу двете држави и исклучително успешната соработка во повеќе области.
„Посебен акцент беше ставен на зајакнувањето на економската соработка и поефикасното искористување на инвестициските можности, како и на продлабочувањето на соработката во други области од заемен интерес“, се вели во соопштението од Министерството.
Двајцата министри го потврдиле и силното сојузништво во рамките на НАТО, како и меѓусебната поддршка во регионалните иницијативи и мултилатералните организации.
Разговорите опфатиле и актуелни регионални и геополитички прашања, при што била нагласена важноста од стабилен и просперитетен регион.
