Муцунски на овој настан учествуваше на покана на Јерн Фленк, директор на Атлантскиот совет. На настанот се обратија и министерката за европски прашања на Црна Гора, Маида Горчевиќ, како и претставници делегацијата на Европската Унија, невладиниот сектор и самиот Совет.
Муцунски ја нагласи потребата од одлучна и доследна поддршка за реформските процеси во регионот.
„Планот за раст е практичен инструмент што го забрзува приближувањето кон единствениот европски пазар и носи реални економски придобивки за граѓаните – уште пред самото членство. Реформите мора да бидат препознаени и вреднувани од страна на Европската Унија преку конкретни и навремени чекори, со цел зачувување на кредибилноста на процесот на проширување и спречување на дополнително разочарување кај граѓаните. Реформите се потврда за европската ориентација на Владата и нивното спроведување не значи само исполнување на агендата, туку и реално подобрување на животот на граѓаните и на општеството во целина“, рече Муцунски.
