Министерот Тимчо Муцунски истакна дека документот ја претставува обврската, зрелоста и одлучноста на државата конечно системски и долгорочно да им се посвети на македонските граѓани што живеат надвор од државата.
Тој нагласи дека стратегијата не е создадена зад затворени врати, туку во партнерство со институции, експерти, организации и самата дијаспора, како важен чекор кон модерна, дигитална и доверлива администрација.
„Создаваме систем, а не импровизација, партнерство, а не протокол, долгорочна визија, а не ад-хок мерки“, порача Муцунски, додавајќи дека државата ја гледа дијаспората како мост и партнер, а не како „замината“.
