„Не е секогаш лесно да се бранат принципите, но секогаш е неопходно, дури и кога тоа значи да се остане надвор од структурите. Поминав низ тежок период соочувајќи се со чувствителна дилема. Едната страна ја бараше моја лојалност, другата го бараше мојот глас. Го избрав гласот без да ја негирам мојата благодарност кон оние што ме формираа и ме водеа. Го сакам мојот водач. Сите го сакаме, но љубовта не треба да нè заслепува за причината што нè направила дел од оваа партија. Избирам да не се повлекувам кога е најтешко. Младински форум на Алијансата за Албанците – избира да застане, да зборува и да дејствува на страната на Арбен Фетаи, знаејќи дека тој е најзначајниот пример за тоа како доверливата позиција се носи со целосно достоинство и непоколеблива посветеност на сите оние кои веруваа, донесоа и сè уште веруваат дека промената вреди, пишува на фејсбук профилот на Нуредини.
Заменик-претседателот на Владата, Арбен Фетаи, преку соопштение ја поздрави поддршката од младинските структури на Алијансата за Албанците за останување во коалицијата Вреди, нагласувајќи ја нивната клучна улога во политичките и општествените процеси.
„Младинскиот форум на Алијансата за Албанците – срцето што силно чука во рамките на Алијансата за Албанците, продолжува со нас во Вреди! Младите на Алијансата за Албанците отсекогаш биле и остануваат најчистиот глас на идеализмот, непокорната сила на промената и искрената совест на нашето движење“, пишува во соопштението од Фетаи.
Под водство со визија и решителност од страна на Илка Нуредини, младинските структури на ФРАШ, се наведува, денес цврсто стојат на страната на довербата што ни ја дадоа 107 илјади граѓани – на страната на вистинската промена. Зашто промената не е само слоган: таа бара работа, посветеност и непоколеблива истрајност.
„Оваа нова генерација, со јасен глас и непокорлив став, не се продава и не е дел од пазарите на оние кои повеќе од две децении ги празнеа албанските домови, протерувајќи ја младината. Во една политичка реалност што често е затворена и потрошена, ФРАШ избира да биде поинаков: храбар, гласен и достоинствен. Младите не се само иднината – тие се сегашноста, тие се силата што ја предводи промената. Тие не чекаат некој да им го отвори патот – тие сами го отвораат!“, пишува во соопштението од кабинетот на вицепремиерот Арбен Фетаи во врска со одлуката на ФРАШ.
