„Се информирав од директорот за предизвиците кои ги има, за да може што побрзо да решаваме проблеми, што се акутни, а знаете дека здравствениот систем е голем има такви акутни проблеми и ние ќе треба чекор по чекор да најдеме решенија. Исто така имавме средба со вработените тука работиме на решавање на тој проблем, чинам дека за кратко време ќе имаме решение. Работиме на трансформација и по таа трансформација ќе имаме потреба до нови вработувања, бидејќи тие се витален дел од системот не може да функционира“, истакна Азир Алиу.
Претставниците на медицинскиот персонал истакнаа дека очекуваат да се исполни ветеното од министерот.
„Разговаравме дали ќе се среди нашиот статус за вработување, министерот вети дека ќе има трансформација, во што пократок рок, до предизборниот период, да се среди статусот на сите договорци, без разлика од кој профили се, технички, медицински персонал и администрација да има трансформација на договори на решенија, нови договори не потпишавме, наводно договорите ни биле продолжени ние добивме моментално плата за април месец, чекаме сега и за мај, но не знаеме дали ќе ни стигне“, изјави Лидија Коруноски, ангажирана во администрација на болницата.
Повеќе десетици лица протестираа повеќе денови во кругот на болницата на почетокот на јуни.
