„Поминуваме низ тежок политички период и со право пријателите и соработниците прашуваат со кого е пратеничката Мимоза Муса? Денес, во турбулентна политичка клима, сакам да бидам јасна со вас, јас сум заменик на Алијансата за Албанците. Нема да ја издадам довербата што ми ја дадовте. Не сум тука за лични интереси, туку да служам достоинствено и одговорно на секој гласач кој верувал во оваа мисија. Промената започна и ќе ја продолжиме напред“, напиша Муса на својот фејсбук профил.
Со останувањето на Муса во власта коалицијата Вреди сега има десет пратеници.
Во новиот состав се уште и претседателот на Собранието Африм Гаши, како и Аднан Азизи, Беким Ќоку, Калтрина Беќири, Имерлије Салиу, Саранда Имери, Фериде Хаџиу, Мерита Колчи Коџаџику и Беким Сали. Координатор на пратеничката група е Беким Ќоку.
Со ова Алијанса за Албанците од крилото на Арбен Таравари останува со четири пратеници кои сѐ уште не доставиле допис до Гаши за промени во пратеничката група затоа што за формирање пратеничка група потребни се најмалку пат пратеници.
Заменик-претседателот на Владата Арбен Фетаи вечерва ја поздрави одлуката на пратеничката Мимоза Муса да остане дел од пратеничката група на коалицијата Вреди, оценувајќи ја како храбар чин со висок политички интегритет.
„Во едно предизвикувачко политичко време, кога многумина избираат молк или компромис, ти остана цврста во своите убедувања, лојална на дадениот завет пред 107.000 наши избирачи и на идеалите за промена. Ти си најдобриот пример за чесно претставување, каде што зборот, ставот и делото одат заедно. Ти си инспирација за младите генерации кои треба да научат дека политиката не само што може, туку и мора да биде чесна. Честитки за твојот интегритет и храброст. На Албанците им се потребни гласови како твојот“, напиша Фетаи на фејсбук.
