„Разбрав дека денеска премиерот бил на гробиштата во Кочани и запалил свеќа на гробовите на нашите ангели. Само тивок и достоинствен чин. За нас родителите, секој кој ќе застане со почит пред болката што ја носиме е пред сѐ човек. Ве молам, не ја злоупотребувајте оваа болка за политика и дневни поени. Болката е наша, а гестот беше човечки. Тоа е доволно“, напиша Тошо Антов на својот фејсбук-профил.
Премиерот Мицкоски досега имал неколку средби со родителите на загинатите по големиот пожар во дискотеката „Пулс“ во Кочани. И за овие средби кабинетот на премиерот не објави никаква информација.
