„Бошњачката заедница во Македонија е позната по својата чесност, работливост и гостопримство. Таа дала и дава значаен придонес во сите области – од културата и уметноста, преку науката и образованието, па сè до економијата и јавниот живот. Вашата заедница е доказ дека и малите заедници можат да имаат големо срце и голема улога во заедничката приказна на државата. Нашата заложба е јасна, Македонија мора да биде дом во кој секој граѓанин се чувствува еднаков, достоинствен и почитуван. Владата стои цврсто на ставот дека силата на државата е токму во почитувањето на различностите и во градењето доверба. Ние немаме ‘големи’ и ‘мали’ заедници – сите сме Македонија“, напиша Мицкоски.
Тој порачува дека овие зборови се наш патоказ – да научиме дека заедништвото не е само потреба, туку и вредност која нè прави подобри луѓе и посилна држава.
„Нашата иднина е европска иднина. Но таа иднина нема да ја градиме со поделби, туку со обединување. Затоа Денот на Бошњаците не е празник само на една заедница, туку на цела Македонија. Тоа е празник кој нè потсетува дека иднината можеме да ја градиме само заедно – со почит, со доверба и со љубов кон заедничкиот дом.
На сите припадници на бошњачката заедница им го честитам овој празник со желба за здравје, успех и благосостојба. Нека ни е честит Денот на Бошњаците, и нека е вечна нашата заедничка Македонија!“, напиша премиерот Мицкоски.
По повод 28 Септември – Меѓународниот ден на Бошњаците упатија и претседателката Гордана Силјановска Давкова, претседателот на Собранието Африм Гаши, вицепремиерот и министер за односи меѓу заедниците Иван Стоилковиќ, лидерот на СДСМ Венко Филипче како и лидерите на останатите политичките партии во земјава.
