„Апсолутно се разговара за сите оние случаи. И за Ласкарци и за Беса Транс и за модуларната болница во Тетово и од оние информации коишто ги имам се работи веќе. Така што да почекаме да излезат информациите во јавност, па ги да ги коментираме. Никој нема да биде поштеден. Јас тоа ви го гарантирам“, одговори Мицоски.
Од Јавното обвинителство кусо велат дека сите споменати случаи се во различна фаза и дека политички изјави не коментираат.
Претходно, во телевизиско интервју, Мицкоски го постави прашањето зошто во модуларната болница во Тетово е променето министерството од едно во друго кога е правена јавната набавка, како и прашањето зошто кабелот е виновен, кој го направил проектот и дали можеби недостасуваат некои елементи.
Премиерот Мицкоски и повеќе функционери во Тетово направија увид во изградбата на нов дел од продолжувањето на булеварот Видое Смилевски-Бато.
