Новиот уред, како што велат од енергетската компанија, значително ќе придонесе кон постабилно и поефикасно снабдување со електрична енергија за домаќинствата и стопанските субјекти во регионот, бидејќи со него ќе се подобрат напонските прилики и ќе се зголеми доверливоста на ТС Дуброво.
ОД АД МЕПСО најавуваат дека во наредните денови ќе започне процесот на инсталација и интеграција на трансформаторот во системот, по што ќе биде пуштен во функција.
„ТС Дуброво е клучен енергетски јазол во електроенергетскиот систем во земјава, а новиот трансформатор ќе овозможи непречено функционирање на системот во наредните 30-40 години. Дополнително, оваа инвестиција ќе создаде подобри услови за интеграција на обновливи извори на енергија“, велат од МЕПСО.
Трансформаторот, додаваат, е произведен од реномираната компанија Астор од Турција согласно највисоките технички и безбедносни стандарди.
„Со инсталирањето на овој трансформатор, како и на трансформаторот во ТС Битола 2, АД МЕПСО успешно заокружува два стратешки проекти кои се од круцијално значење за стабилизирање на работата на 400 и 110-киловолтно ниво. Овие инвестиции директно придонесуваат за минимизирање на ризиците од испади и дефекти, како и за зголемување на доверливоста на системот и непречено преземање на електрична енергија од страна на потрошувачите“, посочуваат од АД МЕПСО.
