Движењето ЗНАМ за Наша Македонија не е против чистење -туку против незаконски акции, злоупотреби и предизборен маркетинг на сметка на граѓаните, рече Мемов на денешната прес конференција.
„СДСМ тврди дека проектот во Крњево се спроведува според важечкиот детален урбанистички план – ДУП. Ако истиот не е усогласен со актуелниот генерален урбанистички план – ГУП, тој не може да се применува. Ако овој простор е предвиден за сообраќајница според ГУП-от, а не за урбано зеленило, како тоа Општина Центар реализира проект според важечки ДУП кој не е усогласен со ГУП на Градот Скопје Оттука , прашуваме, како може Општина Центар предводена од СДСМ да не ги почитува овие одредби од законот и на простор кој според детален урбанистички план и генерален урбанистички план е предвиден за примарна сообраќајница, да тврди дека има проект кој е предвиден според важечкиот ДУП за уредување на просторот со зеленило, урбана опрема и игралиште?“, рече Мемов.
Тој обвини дека главна особина на владеењето на СДСМ е нивната неспособност.
„Господа од СДСМ, и сами да се тркате, ќе завршите на второ место. Ете, до толку сте неспособни! И наместо да чистат депонии на пет дена пред избори, ги облекоа работниците во нови униформи, СДСМ треба да се исчисти сам од лагите, манипулациите и неуспесите што четири години ги затрупуваат граѓаните на Центар. На 19 октомври, граѓаните ќе направат вистинско чистење – ќе го исчистат Центар од неспособноста на градоначалникот и локалната власт што мисли дека законот е нивна сопственост“, рече Мемов.
