Одговарајќи на новинарски прашања по увидот на поставување камен-темелник на базен во ОУ „7 Mарт“, Меџити во однос на Алијансата за Албанците вели дека тоа е внатрешно прашање на Алијансата, посочувајќи дека и двете крила на Алијансата донеле иста одлука – да бидат во Вреди, но дека најбитно е што се при финализирање на проектот Вреди.
„Многу побитно е тоа како ќе функционира и како ќе биде Вреди – тоа е иднината, а Алијансата за Албанците, Демократското движење, Алтернативата, се краткорочни. Мислам, веќе се работи за една-две недели“, изјави Меџити.
Во однос на моделот на функционирање за кој сè уште се преговара, Меџити посочи дека се зборува за моделот со ротација, со копретседателство, како и други модели, еден член – еден глас, да се оди од базата, еден претседател.
„Значи, за ова разговараме и преговараме. Но, убеден сум дека деновиве ќе го избереме најдоброто бидејќи, пред сè, Вреди ни е како концепт, па потоа индивидуалци или имиња“, изјави Меџити.
Меџити нагласи дека интензивно се разговара за тоа, дека има повеќе модели и оти деновиве треба да се одлучи за кој модел.
