Со бесплатната вакцинација се опфатени ризичните категории население, како што се граѓани над 65 години, граѓани со хронични заболувања, здравствени работници, бремени жени, деца на возраст од шест месеци до пет години, како и граѓаните сместени во установи за социјална заштита на стари лица и вработените во овие установи.
„Во организација на Министерството, превентивни тимови од здравствени установи низ државата започнаа со вакцинација против сезонски грип и во домашни услови, на повозрасни и неподвижни лица, како и лица со попреченост“, информираа од Министерството за здравство.
