Од МАН наведуваат дел од заканите кои се документирани со принтскринови: „Асномски ко*илиња“, „Македонија е наша, што сакаме ќе правиме“ и „Смрт за вас“. Според здружението, станува збор за закани кон службено лице, кои според Кривичниот законик се казниви.
„Освен директните закани кон Александар Видиновски, лицата со име и презиме се закануваат и кон македонскиот народ, како и со воено уривање на Уставниот поредок на Република Македонија“, се наведува во реакцијата на МАН.
Од асоцијацијата предупредуваат дека ваквите закани претставуваат директен притисок врз уставно загарантираната слобода на говор и врз правото на новинарите да известуваат за прекршувања на законите, дури и ако се во прашање странски дипломатско-конзуларни преставништва.
МАН истакнува дека заканите не се само врз конкретниот новинар и медиум, туку претставуваат загрозување на слободата на говорот воопшто.
