Според информациите објавени од неговите блиски на социјалните мрежи, Стивен бил облечен во бели панталони и бел дуксер (како на фотографиите).
Постои можност при себе да ги има и специфичните очила за сонце што ги носи на сликите.
Семејството моли сите што можеби го виделе Стивен или имаат каква било информација за него, како и оние што знаат дали бил примен во некоја од болниците во Женева или Цирих, веднаш да се јават на следните телефонски броеви, 076 415 0868, 076 385 7165 и 078 229 5745.
„Исчезнат е во пожарот во Швајцарија братучед ми Стивен Ивановски. Ако некој го видел, нека контактира на броевите“, напиша извесна Е. Христовска на својот фејсбук-профил.
Семејството и пријателите се надеваат дека со помош на јавноста ќе добијат каква било информација што би помогнала во пронаоѓањето на Стивен Ивановски.
Повеќе лица загинаа, а има и повредени, по експлозија и пожар во бар за време на новогодишна забава во елитното скијачко одморалиште Кран-Монтана, во југозападна Швајцарија, соопшти денес швајцарската полиција. Во моментот на експлозијата, во барот имало повеќе од 100 луѓе, изјави портпаролот на полицијата.
