„Скопјани, кои го изградија градот, не можат да обезбедат домови во него, поради лудите цени од нехуманата урбанизација! Не можат да се движат низ Скопје, поради недостаток на јавен превоз – не можат никаде да се социјализираат без да мораат нешто и некому да платат, во недостаток на јавни површини и чист простор. Животот во Скопје не мора да биде ваков, но политичарите од ВМРО-ДПМНЕ и СДСМ токму тоа и го сакаат. За да можат да скројат Генерален урбанистички план за фирмите на нивните донатори и соработници. Да можат од секоја потреба на граѓаните, да направат за себе чист, сиров кеш и да ни го трошат достоинството во изгубени години и прилики“, напиша Мециновиќ на фејсбук.
Според него на ВМРО-ДПМНЕ и СДСМ нема да им бидат приоритет потребите на обичниот скопјанец.
„Затоа – ајде Скопје со целосен фокус на јавниот превоз – да станеме град во кој автомобилите не се потребни! Генерален урбанистички план направен за нас, а не за нив и нивните фирми: нови правила на игра за урбанизација, да стане домувањето во овој град повторно достапно и да се зачува животната средина! Нов почеток во градското функционирање со фокус на општото добро наспроти корпоративниот интерес – чистиот воздух е побитен од профитот на индустријалците! Сега“, напиша Мециновиќ.
