„Откако на четвртата седница на Постојаната анкетна комисија, одржана на ден 17 јуни 2025 година, „пратениците на бескрупулозната владејачка коалиција ДПМНЕ, ЗНАМ и ВРЕДИ решија свесно и злонамерно да ја бојкотираат комисијата со која претседава Апасиев, останатите присутни пратеници – согласно Деловникот – во нивно отсуство донесоа правовалидна одлука (со 1/3 од вкупниот број полноправни членови), за одржување надзорна расправа во Собранието на тема: ‘Пропустите на државните органи кои придонесоа за трагедијата во Кочани на 16 март 2025’ . Но, по ова – спикерот Гаши испратил интерен службен допис до претседателот на П.А.К. – проф. Апасиев со кој, пречекорувајќи ги своите ингеренции и прекршувајќи го Законот за Собранието, погрешно констатира дека комисијата ‘немала првен основ да заседава’ и ‘не можела да донесува никакви одлуки’!? “, велат од Левица.
Споредувајќи го случајот со претходната надзорна расправа за аерозагадувањето, од Левица велат дека ова што се случува со иницијативата за надзорна расправа, „е уште еден очајнички обид на пратениците од корумпираната власт предводена од ВМРО-ДПМНЕ да добие на време и да проба да го амортизира народниот гнев на родителите на трагично загинатите деца во кочанската дискотека ‘Пулс’. Обвинуваат дека тоа е саботажа, зашто одржувањето на надзорна расправа за вака важна тема, во моментов е од највисок јавен интерес.
„Бездушната вмровска власт се плаши од откривање на мафијашките рекатарски шеми и спрегите на своите корумпирани министри, началници, командири и инспектори – па не дава ниту да се спомне Кочани во македонското Собрание! Но, ние не застануваме тука и ќе ги употребиме сите правни мерки и инструменти кои ни стојат на располагање, како опозициска пратеничка група, ваквата важна расправа да се одржи согласно закон и деловник и, конечно, да се дознае вистината за Кочани“, порачуваат од Левица.
