Како што се наведува во партиското соопштение, Собранието формирало и централната комисија за организација на конгресот, која ќе ја води пратеничката Илире Даути. Оваа комисија ќе има задача да организира и реструктуирање на подограноците, ограноците и другите тела на партијата до одржувањето на конгресот.
На денешниот состанок бил презентиран и извештајот за последните локални избори, а било дискутирано и за политичката состојба во земјата.
„Со овие одлуки, Алијансата за Албанците започнува со реорганизација и зајакнување на партиските структури, за враќање на партијата во најголема политичка сила на Албанците во земјата, преку развивање на нејзината идеологија, програма и политичка визија“, се наведува во соопштението од АА на Села.
