Комунална хигиена јавно го прашува градоначалникот на Чаир Висар Ганиу каде го фрла ѓубрето што го собира, бидејќи, како што тврдат оттаму, тој не го одлага во Дрисла туку со ѓубрето прави диви депонии со кои ги труе граѓаните на Скопје.
„Од некој што 20 години црпел привилегии од ДУИ, Висар Ганиу минимум би требало да се срами да зборува за своите долгогодишни сопартијци кои ги молел на колена да го кандидираат и гласаат за градоначалник на Чаир. Од неговото измеќарување за ВМРО ДПМНЕ во овој мандат, како единствени проекти ќе останат стотиците дивоградби низ Чаир кои не може да ги легализира и две уметнички инсталации од запалени автомобили кои се поврзуваат со неговото име и предметните дивоградби.
Јавното претпријатие Комунална Хигиена редовно ги извршува своите работни активности по оперативниот план на Советот на Град Скопје, а одлуките на Комунална Хигиена ги носи управниот одбор на претпријатието поставен од коалицијата ВМРО ДПМНЕ-Вреди“, велат од Комунална хигиена.
Градоначалникот на Општина Чаир Висар ганиу денеска преку соопштение изрази загриженост, за како што вели, постапката на Градскиот инспекторат на Скопје, кој денеска ја известил полицијата за да ја запре работата на камионот за собирање отпад околу контениерите, ангажирани од општината и се обидел да го конфискува.
