Договорот (бр.57254) за оваа интелектуална услуга е склучен на 25 февруари годинава. Според договорот, Валон Беџети е застапуван од Агенцијата за деловно посредување и застапување на авторски права Веда. Во договорот се споменуваат барања и спецификации од ЈП КХС кои Валон Беџети треба да ги исполни.
Одговор од ЈП КХС за тоа за какви барања и спецификации не добивме. Но, добивме одговор дека пари за ова не биле исплатени. Еве го одговорот на ЈП КХС:
„Согласно важечката позитивна правна регулатива, не постои склучена спогодба која би можела да се смета за правно обврзувачка, при што сите засегнати страни се навремено информирани за тоа. Следствено, и покрај можноста за постоење на интерен акт донесен во рамки на актите за организација и систематизација на работните места во претпријатието, укажуваме дека истиот не е спроведен во пракса, ниту е реализирана каква било исплата по таа основа. Поточно, по однос на наведениот акт не се исплатени парични средства, надомест, ниту каква било друга материјална или нематеријална придобивка“.
Инаку, Јавното претпријатие Комунална хигиена – Скопје 2024 година ја заврши со нето загуба од 74.665.591 денари.
А.Д.
