Од Општина Кисела Вода велат дека оваа институционална поддршка е силен поттик за забрзан развој и рамномерен напредок на општините и регионите, како и јасна потврда за определбата за унапредување на квалитетот на животот на граѓаните.
„Искрено се заблагодаруваме за оваа значајна и конкретна поддршка. Средствата што ги добиваме се огромен исчекор не само за нашата општина, туку за целата заедница – за граѓаните, за семејствата и нивните секојдневни потреби. Тоа не се само проекти на хартија, туку реални решенија за реални потреби на нашите сограѓани,“ истакнуваат од локалната самоуправа.
Оттаму додаваат дека соработката помеѓу локалната и централната власт е пример како заеднички може да се инвестира во иднината на секое село, населба и град.
„Ова е вистински пример на рамномерен развој на дело, нешто што ретко се памети во минатото. Оваа поддршка претставува основа за стабилен и траен прогрес, и силен мотив за реализација на уште поголеми проекти кои ја менуваат сликата на Кисела Вода – но и на цела Македонија,“ додаваат од општината.
Проектите кои ќе се реализираат опфаќаат подобрување на здравствената инфраструктура, реконструкции на улици, изградба и доградба на училишта, јавно осветлување, канализациони системи, спортски сали и уредување на јавни простори.
