Кирков во својата објава наведува дека во Скопје ЗОО се случува вистински хаос, од страна на директорот во сенка Стаменов и другиот на хартија, Попов. Наводно им е наредено на вработените да се сокрие и да не се објавува за смртта на овие лами.
„До таму одат, што и покрај законската обврска да ја известат АХВ, тие тоа не го прават за што АХВ дознаа утрово од мене. Неколку дена претходно вработените имале голем притисок и мобинг од горенаведените да влегуваат во живеалиштата на ламите без никаква ХТЗ или заштитна опрема, за што истите реагирале дека се небезбедни од причина што сомнежот за туберколоза и симптомите биле видливи, додека пак овие животни не биле дислоцирани во изолација и под ризик биле изложени сите посетители, ако знаеме дека туберкулозата е пренослива преку непосредна близина со заболеното животно“, наведува Кирков, додавајќи дека за ова како и за сè претходно што се случува во Скопје Зоо некој мора да поднесе одговорност и да одговара.
„Данела Арсовска што уште ќе му направиш на Скопје ? Ги охрабрувам сите новинари, друштва за заштита на животни да го испитаат ова и да ги побараат одговорите и одговорноста од таму каде што треба, јас како советник во Град Скопје како и секогаш истото ке го направам!“, порачува Стефан Кирков.
